पनाैती
संस्थाको १२ औं वार्षिक साधारण सभाको अवसरमा बरपिपल बहुउद्देश्य सहकारी संस्था लिमिटेड रयाले पनौती काभ्रेपलाञ्चोकले रक्तदान कार्यक्रमको आयोजना गरेको छ ।
२०८० पुस ७ गते शनिवार शान्तिनिकेतन मा.वि प्राङ्गण ढाँडचौरमा संस्थाको साधारण सभा संचालन हुने छ । समुदाय प्रति सामाजिक उत्तरदायित्व स्वरुप संस्थाले खुला रक्तदान कार्यक्रमको आयोजना गरेको हो ।
नेपाल रेडक्रस सोसाइटी जिल्ला शाखा भक्तपुरको प्राविधिक सहयोग तथा पनौती नगरपालिका वडा नं १ को समन्वयमा रक्तदान कार्यक्रम हुन लागेको हो । पायक पर्ने इच्छुक रक्तदाताहरुलाई उपस्थित भएर रक्तदान कार्यक्रममा भाग लिन आयोजक संस्थाले अनुरोध गरेको संस्थाका सचिव विश्वनाथ सापकोटाले जानकारी दिए ।
