काभ्रे
पाँचखालमा भएको आइचर गाडी दुुर्घटनामा परी १ जनाको मृत्यु भएको छ ।
अरनिको राजमार्ग अन्तरर्गत पाँचखाल नगरपालिका वडा नं ५ सइँतीस किलो केराँघारी भन्ने स्थानमा उक्त दुर्घटना भएको थियो । धुलिखेलबाट पाँचखालतर्फ जाँदै गरेको बा ५ ख १२८१ नम्बरको उक्त गाडी आफै अनियन्त्रित भई सडकबाट अन्दाजी ७० मिटर तल खसि दुर्घटना भएको काभ्रेप्रहरीले जनाएको छ ।
गाडी चालकलाई घाईते अवस्थामा फेला पारी तत्कालै धुलिखेल अस्पतालमा पुर्याएको थियो । अस्पतालले ठाडालाई मृत घोषणा गरेको प्रहरीले जनाएको छ । गाडीमा भेटिएको लाइसेन्स तथा नागरिकताको फोटोकपीका आधारमा आधारमा सवारी चालक सिन्धुली मरिण गा.पा. वडा नं. ०१ वस्ने वर्ष २८ को रमेश ठाडा रहेको प्रहरीले जानकारी दिएको छ ।
