संज्ञा र अवज्ञा सहित राष्ट्रपति कार्यालयका समूह नै हुमागाई निवासमा

पनौती
मातृशोकमा रहेका नेपाली कांग्रेसका केन्द्रीय सदस्य शिवप्रसाद हुमागाई लगायत परिवारजनलाई समवेदना प्रकट गर्ने उद्देश्य सहित राष्ट्रपति रामचन्द्र पौडेलका २ छोरीहरु पनौती स्थित हुमागाई निवासमा उपस्थित भए ।

हुमागाई परिवारलाई समवेदना दिन मंगलवार दिउसो पनौती आएका पौडेल पुत्री द्वय संज्ञा र अवज्ञाले केन्द्रीय सदस्य हुमागाईसहित उनका दाजु पनौती नगरपालिका वडा नं ७ का पूर्व सभापति श्रीकृष्ण हुमागाई, भाइ वडा नं ९ का वडा अध्यक्ष सहकुल हुमागाई, नेपाल प्रेस युनियनका केन्द्रीय पार्षद रघुनाथ हुमागाई र बहिनी इश्वरी हुमागाई दाहालसहितका परिवारजनलाई समवेदना प्रकट गरेका थिए । पारिवारिक सम्बन्धका कारण समवेदना प्रकट गर्ने उद्देश्य सहित आफूहरु उपस्थित भएको उनीहरुले बताए । उनीहरुको साथमा राष्ट्रपति कार्यालयका सचिवालय टिम नै उपस्थित थियो ।

राष्ट्रपतीको सचिवालयको टिममा सचिवालय प्रमुख अवज्ञा पौडेल,राष्ट्रपति पुत्री एवं स्वकीय सचिव संज्ञा पौडेल,राष्ट्रपतिका प्रेस सल्लाहकार किरण पोखरेल ,स्वकीय उपसचिव सुशिल तिमल्सिना लगाएतको उपस्थिति थियो ।

यस अघि नेपाली काग्रेसका केन्द्रीय सभापति शेरबहादुर देउवा ,केन्द्रीय उपसभापति पुर्ण बहादुर खड्का र धनराज गुरुङ ,बरिष्ठ नेता शेखर कोइराला पूर्व उपसभापति गोपालमान श्रेष्ठ, पूर्व महामन्त्री कृ्ष्णप्रसाद सिटौला र शसांक कोइराला, प्रवक्ता प्रकाशरण महत, गृहमन्त्री रहेका कांग्रेस केन्द्रीय सदस्य रमेश लेखक, लगायत केन्द्रीय समितिका बिभिन्न बिभाग प्रमुख सहित अधिकांश नेताहरु ,बाग्मती प्रदेश सभापति इन्द्र बानियाँ, महामन्त्री कञ्चनचन्द्र बादे, लगाएत सातै प्रदेसको नेतृत्व ,संघीय सरकाका बिभिन्न मन्त्रीहरु, बाग्मती प्रदेश युवा तथा खेलकुद मन्त्री मिनकृष्ण महर्जन लगायतका नेता कार्यकर्ता समवेदना प्रकट गर्नका लागि पनौतीस्थित हुमागाई निवास पुगेका थिए ।

त्यसैगरी नेपाली कांग्रेसका जिल्ला सभापति तिर्थलामा,उपसभापतिहरु सचिव सहसचिवहरु लगायत समितिका सबै सदस्यहरु ,जिल्ला स्थित सबै स्थानीय तहका प्रमुख ,उपप्रमुख तथा कर्मचारीहरु सुरक्षा निकायका प्रमुखहरु साथै अन्य दलका विभिन्न तहका नेता तथा कार्यकर्ता उपस्थित भएर परिवारजनलाई समवेदना प्रकट गरिरहेका छन् ।