नारायण सापकोटा
काभ्रे
काभ्रेबाट १ वर्ष अघि शुरु गरिएको अनलाइन पत्रिका ‘मदानी बिट’ ले स्थापना दिवसको अवसर पारेर एक भव्य समारोहको आयोजना गरेको छ ।
नेपाल सरकारका प्रवक्ता तथा सूचना तथा सञ्चार प्रविधि मन्त्री पृथ्वी सुब्बा गुरुङको प्रमुख आतिथ्यतामा धुलिखेलमा उक्त कार्यक्रम सम्पन्न भएको हो ।
कार्यक्रमका प्रमुख अतिथि मन्त्री गुरुङले डिजिटल युगमा डिजिटल प्रविधि मार्फत समाचारको भूमिका तथा यसका चूनौती बारे धारणा राखेका थिए । सशक्त पत्रकारिताका लागि अनलाइन पत्रिकाहरुको भूूमिका महत्वपूर्ण रहेको भन्दै मन्त्री गुरुङले यस प्रकारका मिडियाले सत्य र तथ्यमा आधारित समाचार पस्कनुपर्नेमा जोड दिए ।
कार्यक्रममा मदानी बिट प्रालि का अध्यक्ष मोतीराम तिमल्सिनाले सशक्त र जिम्मेवार पत्रकारिताका लागि मदानी बिट सधै प्रतिबद्ध रहेको बताए ।
