काभ्रे
यस वर्षको भाइटीकाको उत्तम शुभसाइत बिहान ११ बजेर ३७ मिनेटमा रहेको नेपाल पञ्चाङ्ग निर्णायक विकास समितिले जानकारी गराएको छ ।
समितिले सोमबार एक विज्ञप्ती प्रकाशित गर्दै उक्त जानकारी गराएको हो । जारी विज्ञप्तिमा १३ गते धनत्रयोदशी,१४ गते कागतिहार, १५ गते कुकरतिहार, नरकचर्तुदशी तथा लक्ष्मीपूजा तथा १६ गते औंशी उल्लेख गरेको छ ।
त्यसैगरी १७ गते गाई, गोरुपूजा,म्हपूजा तथा नेपाल संवत् ११४५ प्रारम्भ र कार्तिक १८ गते भाइटिका रहेको जानकारी गराएको छ । उक्त दिन भाइ टिकाको लागि उत्तम शुभसाइत बिहान ११ बजेर ३७ मिनेटमा रहेको नेपाल पञ्चाङ्ग निर्णायक विकास समितिले विज्ञप्ति मार्फत जनाएको हो ।
