पनौती
पनौती नगरपालिका वडा नं ४ मा रहेको बालोद्वार मा.विमा अध्ययनरत विद्यार्थीहरुलाई विद्यालय पोशाक वितरण गरिएको छ ।
मंगलबार विद्यालयमा आयोजित एक कार्यक्रमका बिच विद्यार्थीहरुका लागि ट्रयाकसुट, जुत्ता र मोजा वितरण गरिएको हो ।
विद्यालयको भवन निर्माणका लागि जग्गा उपलब्ध गराएका (जग्गा दाता) ललितपुर बाँडेगाउँ निवासी विनोद विक्रम सिजापतिले विद्यालयमा अध्ययनरत २ सय १५ जना विद्यार्थीका लागि उक्त सामग्री उपलब्ध गराएका हुन् ।
कार्यक्रममा शिक्षा सेवी तथा जग्गा दाता सिजपतिका छोरा विज्ञान सिजापतिको उपस्थिति रहेको थियो ।
विद्यालयका प्रधानाध्यापक अच्यूतम् बञ्जाराले स्वागत् मन्तव्य राखेका थिए । कार्यक्रममा विद्यालय व्यवस्थापन समिति अध्यक्ष अर्जन बहादुर कुँवर, पूर्व प्रधानाध्याक बाशुदेव बञ्जारा, विद्यालयका सल्लाहकार ज्ञानकाजी श्रेष्ठ लगायतको उपस्थिति रहेको थियो । कार्यक्रमको संचालन शिक्षक ज्ञानदास श्रेष्ठले गरेका थिए ।
सिजपति परिवारले उक्त विद्यालयका लागि यस प्रकारको कार्यक्रमलाई निरन्तरता दिने बताएको विद्यालयका शिक्षक राजकुमार तिमल्सिनाले जानकारी दिएका छन् ।
