अविरल वर्षाले पनौती नगरपालिकामा भएको क्षतिको प्रारम्भिक विवरण यस्तो

पनौती
पनौती नगरपालिकाले असोज ११ र १२ गतेको वर्षाका कारण पुगेको क्षतिको प्रारम्भिक विवरण सर्वजानिक गरेको छ ।
नगरपालिकाले दिएको जानकारी अनुसार नगरपालिकाका विभिन्न वडामा गरि कुल २० जनाले ज्यान गुमाएका छन् । त्यसैगरी २५ जना गम्भीर घाइते अवस्थामा उपचार गराइरहेका छन् ।

नगरपालिकाले सार्वजानिक गरेको विवरण अनुसार कुल २ हजार भन्दा बढि पशुचौपायाँ मरेका छन् । अधिकांश क्षेत्रमा गएको पहिरोका कारण बाटो अवरुद्ध रहेको र कृषकले उत्पादन गरेको दुध ढुृवानी हुन नसकेको उल्लेख छ ।

काभ्रेकै महत्वको योजनाका रुपमा रहेको काभ्रे उपत्यका एकिकृत खानेपानीको मुख्य पाईप लाइन करिब ७ कि. मि. पूर्णरुपमा बगाएको, नगरपालिकाका अन्य अधकांश स्थानहरुमा खानेपानीको मुहान र प्रशारण पाइपलाइनमा क्षेति पुगी खानेपानी सुविधामा ठुलो समस्या रहेको भनिएको छ ।

१. मानबिय क्षेती तर्फ
क. २० जनाको दुखद् मृत्य भएको ।
ख. २५ जना गम्भीर घाईते भएका ।
२. करिब २००० भन्दाबढी पशु चौपायाहरु मरेको ।
३. काभ्रे उपत्यका एकिकृत खानेपानीको मुख्य पाईप लाइन करिब ७ कि. मि. पुर्णरुपमा बगाएको,
४ अधिकांश स्थानहरुमा खानेपानीको मुहान र प्रशारण पाइपलाइनमा क्षेती पुगि खानेपानी सुविधामा ठुलो समस्या रहेको ।
५. करिब ५०० भन्दा धेरै घरहरु बगाएका
६ २०० घरमा आंसिक क्षेती पुगेको ।
क. रोशी करिडोरको ११ कि. मि. सडक पुर्ण रुपमा क्षेति अन्य स्थानहरु बाढी र पहिरोको कारण सडक सम्पर्क बिच्छेद
ख. ७ वटा पक्की पुल र १ झोलुगें पुल पुर्ण क्षेती भएको ।
ग. ३ वटा स्वास्थ्य चौकीहरुमा क्षेती भएको ।
घ. २० वटा विद्यालयहरुमा क्षेती भएको ।

विवरणमा नगरपालिकाका करिब ५०० भन्दा धेरै घरहरु बगाएको, अशंख्य नागरिकहरु पूर्ण रुपमा घरबार विहिन भएका, २०० घरमा आंसिक क्षेती पुगेको भनिएको छ ।
त्यसैगरी विवरणमा रोशी करिडोरको ११ किलोमिटर सडक पूर्ण रुपमा क्षेति भएको, नगरका अन्य स्थानहरुमा समेत बाढी र पहिरोको कारण सडक सम्पर्क बिच्छेद भई दैनिक जीवन संचालनमा ठुलो समस्या रहेको जानकारी गराएको छ । नगरपालिकाका अनुसार ७ वटा पक्की पुल र १ झोलुगें पुल पूूर्ण रुपमा क्षेति ३ वटा स्वास्थ्य चौकी भवनमा २० वटा विद्यालयहरुमा क्षेती भएको उल्लेख छ ।
पुरातात्विक क्षेत्रका मठ मन्दिरहरुमा ठुलो असर परेको, खोला किनारबाट २.५ कि.मि. क्षेत्रमा तत्काल टेवापर्खाल निर्माण गरि स्मारक क्षेत्र जोगाउन जरुरी भएको भनिएको छ । धेरै स्थानहरुमा बाढी र पहिरो जाँदा बाटो, पुल, सामुदायिक भवन, निजी घर, जग्गा, जमिन र लगाइएको बालीमा ठुलो नोक्सानी भएको, अधिकांश स्थानहरुमा विद्युत सेवा पुर्णरुपमा अबरुद्ध रहेको समेत नगर प्रमुख रामशरण भण्डारीले जानकारी गराएका छन् ।
यससँगै उद्धार,राहत तथा पुनस्थापनका विषयका गरिएका कार्यहरु समेत सार्वजानिक गरिएको छ ।
जसमा समपुरक कोष, शसर्त अनुदान, विशेष अनुदान, गत वर्ष शुरू भएका कार्य र वहुवर्षीय योजनाहरु मात्र संचालन गर्ने र यस वर्ष विनियोजित योजनाहरु हाललाइ स्थगन गरी राहत र क्षति भएका क्षेत्र निर्माणमा लाग्ने नगरले निर्णय गरेको छ । त्यसैगरी प्रति मृतक परिवारलाइ तत्काल रू २५००० राहत प्रदान गर्ने नगरपालिका र दातृ संस्थाको सहयोगमा प्राप्त राहत प्रति परिवार त्रिपाल २ चामल २५ के जी १ पाकेट साबुन ३ पिस तेल १लि प्रदान गर्ने, निजि र नगरको साझेदारीमा मोटर बाटो पुनर्निर्माणलाई तिब्रता दिने,विदुत पुन जडान,खानेपानीका लागि क्षति भएका क्षेत्रहरुमा पाइप वितरण,तत्कालका लागि ट्याकरबाट पानी वितरण,राहत कोषको स्थापना,राहतको लागि सवैसँग आव्हान गर्ने समेत निर्णय भएको नगरप्रमुख भण्डारीले जानकारी गराएका छन् ।