बेथानचोक
जिल्लाको बेथानचोक गाउँपालिका वडा नं १ हात्तिढुङ्गका गोबिन्द घिमिरेको घर तथा गोठमा आगलागी हुँदा ३ चौपायाँ मरेका छन् ।
शनिवार राति साँढे २ बजेकोको समयमा भएको आगलागीबाट घिमिरेको ढुङ्गा माटोको गारो र जस्ताले छाएको कच्चि २ तल्ले घर,गाई गोठ जलेको प्रहरीले जनाएको छ ।
खुवा घोट्ने चुलोबाट आगो सल्किन गई आगोलागी भएको भन्ने खबर पाएसँगै प्रहरी आगलागी स्थलमा पुगेको थियो । जिल्ला प्रहरी कार्यालय धुलिखेल, काभ्रेले दिएको जानकारी अनुसार घर ,गोठ पूर्ण रूपमा जलि क्षति भएको,उक्त घर भित्र रहेको लत्ता कपडा र फर्निचरको सामान समेत जलि पूर्ण रूपमा क्षति भएको, एक लौनो गाई सो गाइको बाच्छो –१, भैँसीको पाडी १ वटा समेत जली नष्ट भएका छन् । आगोलागीबाट नौलाख रुपैया बराबरको क्षेति भएको प्रहरीको अनुमान छ ।
