काभ्रे
पाल्पा जिल्लाको सदरमुकाम तानसेनमा रहेको तानसेन खानेपानी आयोजनाले धुलिखेलमा २ दिने योजना निर्माण कार्यशाला आयोजना गरेको छ ।
धुलिखेल स्थित धुलिखेल लज एण्ड रिर्सोटमा संचालित कार्यक्रम शनिवारबाट शुरु भएको हो । कार्यक्रम धुलिखेल खानेपानी उपभोक्ता समितिको आतिथ्यतामा आयोजना गरिएको धुलिखेल खानेपानी उपभोक्ता समतिका अध्यक्ष कृष्ण भूषण कोजूले जानकारी दिए ।
कार्यशालामा तानसेन खानेपानी उपभोक्ता समितिका १२ जना पदाधिकारीहरुको सहभागिता रहेको धुलिखेल खानेपानीका सचिव श्याम घिनाजूले जानकारी दिए ।
धुलिखेल एउटा सुन्दर स्थल पर्यटकीय नगरी हो । धुलिखेलमा होटल व्यवसायहरुको चाप छ । यस्तो स्थलमा खानेपानी सहज रुपमा उपलब्ध गराउनु चूनौतीको विषय हो । यस अघि पनि म अवलोकनका क्रममा धुलिखेल आइपुगेको थिए ।
धुलिखेल खानेपानी उपभोक्ता समितिको बारेमा केही बुझेको थिए । धुलिखेल खानेपानी उपभोक्ता समूहसँग अनुभव आदान प्रदान सहित योजना निर्माण कार्यशाला आयोजना गरिएको हो । तानसेन खानेपानीका अध्यक्ष मोहन प्रसाद श्रेष्ठले बताए ।
