काभ्रे
जिल्लाको बेथानचोक गाउँपालिकाले नवनिर्मित प्रशासनिक भवनको उदटन गरेको छ ।
गाउँपालिकाका अध्यक्ष भगवान अधिकारी, र उपाध्यक्ष तारा राना तिमल्सिनाले एकसाथ नवनिर्मित प्रशासनिक भवनको उदटन गरेका हुन् ।
उक्त भवनबाट तत्कालका लागि गाउँपालिका अध्यक्ष, उपाध्यक्ष, प्रमुख प्रशासकीय अधिकृतको कार्यकक्ष, प्रशासन, योजना, प्राविधिकलगायत शाखाहरूले सेवा प्रवाह गर्नेछन् ।
प्रशासनिक भवनको उद्घाटन गर्दै अध्यक्ष भगवान अधिकारीले भवन निर्माण पालिकाको उपलब्धिमूलक कार्य भएको बताए । साथै उनले नवनिर्मित प्रशासनिक भवनबाट पालिकाले प्रवाह गर्ने सेवाहरू निरन्तर, प्रभावकारी, पारदर्शी हुनुपर्नेमा जोड दिए ।
अधिकारीले अब पालिकाले आफ्नै प्रशासनिक भवनबाट सेवा प्रवाह गर्ने बताए । उनले भने, ‘आफ्नो भवन अभावमा विभिन्न समस्या खेप्दैआएको पालिकाले अव सेवा प्रवाहलाई थप चुस्त तथा सहजरुपमा सञ्चालन गर्नेछ ।
