नारायण सापकोटा
पनौती
नेपाली काँग्रेसका अग्रज नेता समाजसेवी तथा रेडक्रसकर्मी गोपाल बहादुर खत्रीको निधन भएको छ ।
नेपाली काग्रेसका पूर्व महाधिवेशन प्रतिनिधि ,नेपाली काँग्रेस साबिक सुब्बागाउँ गाबिस १ का पूर्ब सभापति समेत रहेका खत्रीको लोकतान्त्रिक आन्दोलनमा समेत महत्वपूर्ण योगदान रहेको पनौती नगर सभापति श्रीराम थापाले बताए । खत्री नेपाल रेडक्रस सोसाइटी सुब्बागाउँ उपशाखाका पुर्व सभापति पनि हुन् ।
दुवै मृगौलामा समस्या भएपछि विभिन्न अस्पतालमा उपचार पछि खत्री घरमै आराम गरिरहेका थिए । उनको विहीवार मध्यान्न निवासमै स्वर्गारोहण भएको हो ।
स्वर्गीय खत्रीको पार्थिव शरीरमा नेपाली काग्रेसका केन्द्रीय सदस्य शिव प्रसाद हुमागाई तथा नेपाली काग्रेस नगरसभापति श्रीराम के.सी लगायतले नेपाली काँग्रेसका झण्डा ओडाइ श्रद्धाञ्जली अर्पण गरेका गरेका थिए ।
श्रद्धाञ्जली अर्पण गर्दै केन्द्रीय सदस्य हुमागाईले खत्रीको स्वर्गारोहणले नेपाली काँग्रेसका एक अनुशासित र होनाहार योद्धा गुमाएको बताए ।
