पुस २६ गते पनौतीमा खुला रक्तदान

पनौती

पनौती नगरपालिका वडा नं ६ मा  मुख्य कार्यालय रहेको नवदुर्गा बचत तथा ऋण सहकारी संस्था लिमिटेडले खुला रक्तदान कार्यक्रमको आयोजना गर्ने भएको छ ।

संस्थाको स्थापना दिवसको अवसर पारेर संस्थाको मुख्य आयोजनामा उक्त कार्यक्रम आयोजना गर्न लागेको हो । कार्यक्रम आगामी पुस २६ गते विहीवार संस्थाको मुख्य कार्यालय पनौती ६गणेश स्थानमा हुने साकोसले जनाएको छ । नेपाल रेडक्रस सोसाइटी काभ्रेशाखाको प्राविधिक सहयोग तथा नेपाल रेडक्रस सोसाइटी सुन्थान उपशाखाको समन्वय तथा सहयोगमा हुने कार्यक्रममा उपस्थित भइ रक्तदान गरिदिनुहुन संस्थाले सबैमा अनुरोध गरेको छ ।