पनौती
शुभदिपावली, नेपाल संवत् तथा छठको अवसरमा पनौती नगरपालिका वडा नं ४ ले शुभकामना आदान प्रदान तथा कार्यालय हाताभित्र वृक्षारोपण गरेको छ ।
वडा कार्यालयलयको समन्वयमा वडा न ४ रहेका विभिन्न ब्यक्तिहरुले आफ्ना दिवंगत हुनुभएको परिवारको सम्झना स्वरुप रु १ हजारका दरले रकम संकलन गरी ३८ वटा धुपीको बिरुवा खरिद गरि बृक्षरोपण गरिएको थियो ।
वडा कार्यालयसजावट सँगै वडाकार्यालयको मौलिकता निर्माणगर्नका लागि तथा वडाबासीमा वडा कार्यालय क्षेत्र प्रति आत्मिक भावनाको विकास होस भन्ने हेतुले यस किसिमको कार्यक्रम संचालन गरिएको वडा न ४ का वडा अध्यक्ष दिपक प्रसद दाहालले जानकारी दिए ।
कार्यक्रममा बोल्दै पनौती नगरपालिकाका नगरप्रमुख रामशरण भण्डारीले वडा कार्यालयले प्रेरणादायी कार्य गरेकोले वडा कार्यालयको टिमलाई धन्यवाद दिए ।
त्यस्तैगरि उपप्रमुख गीता बन्जाराले वडा न ४ मा बिकासको लागि एकता रहेको बताइन ।
नगरका प्रमुख प्रशासकीय अधिकृत राम प्रसाद आचार्यले एकता र सद्भावले मात्र पनौतीको समग्र बिकास गर्न सकिने धारणा व्यक्त गरे ।
गत बर्ष पनि यसै गरि रकम संकलन गरि वडा को हाताभित्र विभिन्न फलफुलको बिरुवा रोपिएको वडा कार्यालयले जानकारी दिएको छ ।
