काठमाडौं
शुक्रबार राति गएको भूकम्पमा परेर जाजरकोटमा ९२ र रुकुम पश्चिममा ३७ जना सहित कुल १ सय २९ जनाको मृत्यु भएको छ ।
गम्भीर बिरामीहरुको उपचारको लागि बाँकेको भेरी अस्पताललाई डेडिकेट अस्पताल बनाइएको छ । नेपाल रेडक्रस सोसाइटी जिल्ला शाखा तथा उपशाखाहरु उद्धार लगत संकलन तथा राहत वितरणमा जुटेका छन् ।
‘तत्कालका लागि जिल्लामा उपलब्ध सामग्रीहरु राहतका रुपमा वितरण शुरु गरेका छौं । रेडक्रसर्कीहरु उद्धार तथा लगत संकलनमा जुट्नुभएको छ ।’ नेपाल रेडक्रस सोसाइटी जिल्ला शाखा रुकुम पश्चिमकी सभापति रमा गौतमले बताइन् । जिल्लाका विकट क्षेत्रको तथ्यांङक आउन बाँकी नै रहेको गौतमले साझा पत्रिकालाई जानकारी दिइन । ‘३७ जनाको मृत्यु भएको छ ८५ जना घाइते हुनुहुन्छ यो संख्या अझै बढ्नसक्छ ।’ उनको भनाई थियो ।
भूकम्पका कारण ठूलो मानवीय क्षति भएको विवरण आएलगत्तै दुवै जिल्लामा प्रहरी टोली खटिएको छ । भूकम्पमा परेर रुकुम पश्चिममा ३६ जनाको मृत्यु भएको छ । त्यहाँ ८५ जना घाइते रहेको प्रवक्ता कडायतले बताए । यो सँगै मृतक संख्या १ सय २९ पगेको छ ।
त्यसैगरी भूकम्पले क्षतिग्रस्त भएको क्षेत्रको जानकारी लिन प्रधानमन्त्री पुष्पकमल दाहाल प्रचण्ड प्रभावित क्षेत्र पगेका छन् ।आज बिहान उनी नेपाली सेनाको हेलिकप्टरमार्फत जाजरकोट गएका थिए।
हेलिकप्टरमा औषधीसहित र १६ जना चिकित्सकको टोली सहित प्रधानमन्त्री प्रचण्डसँगै भूकम्प
प्रभावित क्षेत्रमा गएका हुन्। प्रधानमन्त्री प्रचण्डले भूकम्प प्रभावित क्षेत्रमा राहत, उद्धार तथा खोजीमा जुट्न सबैलाई अपिल गरेका छन्।
